ቅዱስ እግዚአብሔር አምላክ

ከዚያ አለህ የማትባል፣በዚህ ይኖራል የማትባል፣ በዚህ ትወሰናለህ የማትባል፣ በውጭም በውስጥም የምትኖር አምላክ ሆይ።
ያገኙህ ዘንድ የማይሄዱ፣በፈለጉህም ጊዜ የማትታጣ፣በያዙህም ጊዜ የማትዳሰስ፣ከሕሊና ልዩ ነህ።
ባለጸጋውን የምትጠብቅ፣ከድሃውም ጋር የምትኖር፣ትሑትን ሰው የምትጠብቅ፣ ትዕቢተኛውን ቸል የምትል፣ስትፈቅድ ታድናለህ፣ስትወድ ታጸድቃለህ፣እንደማትሰማ ቸል የምትል፣እንማያይ ዝም ትላለህ፣እንደማይሰጥ ትዘገያለህ፣
ሳትሰስት በልግስና የምትሰጥ ቅዱስ አምላክ ሆይ ስምህ የተመሰገነ ይሁን።
👇👇👇
@zsewasw
@zsewasw
@zsewasw
ዲን አክሊል ዘሰዋስው
ድንቅ ጊዜ

ወዳጄ!!

“እግዚአብሔር አንድ ጊዜ ከወደደን መጥላት ፣ ከታመነልን መክዳት የለበትም ፡፡ እግዚአብሔርን ማግኘት በዘላለሞ እቅፍ ውስጥ መግባት ነው።ማደሪያ ቤቴ ፣ መተዳደሪያ ቀለቤ አንተ ነህ ። ያለፈውን በረከት አድፋፍቼ ዛሬም ስለምንህ ሃሳብ እንተሳሰብ ሳትል ትሰጠኛለህ የማትቀየም አንተ ብቻ ነህና። አምላከ ቅዱሳን ኢየሱስ ክርስቶስ ሆይ ፣ አንተ የይለፍ ቃሌ ፣ የደኀንነት ነጭ ዓርማዬ ፣ የስኬት ምንጬ ነህ ። ያላንተ ማንተም በሰማይ መንግሥት እውቅና የለኝም ። መንፈሰ ጽድቅ ሆይ ፣ እኔን እኔው ሳውከው የመዳን ቀንድ ሁነኝ ። እኔን ሰው ሲያውከኝ ጋሻህ ይዘርጋልኝ ። እኔን ኑሮ ሲያውከኝ በረከትህ አለሁ ይበለኝ ። እኔን ቀኑ ሲያውከኝ መጽናናትህ ይድረሰኝ ። ጠዋት ለማታ ዓለም እያለፈ ነውና የጸናኸው አንተ ቡሩክ መንፈስ ሆይ አጽናኝ ። አሜን
ዲን አክሊል ዘሰዋስው
👇👇👇👇
@zsewasw
@zsewasw
@zsewasw